Б.Бат-Эрдэнэ: Эгүүлэн татаж байгаа хүмүүсийнхээ үр дүн, алдаа оноог нь хэлэлцдэг болмоор байна

Улсын Их хурлын чуулганы өнөөдрийн /2019.11.08/ нэгдсэн хуралдаанаар Элчин сайд нарыг эгүүлэн татах, томилохыг зөвшилцөх  тухай Монгол Улсын Ерөнхийлөгчөөс ирүүлсэн саналыг хэлэлцэж байна.

Энэ үеэр УИХ-ын гишүүн Б.Бат-Эрдэнэ

Орж ирж байгаа сайдуудыг дэмжиж байна. Олон улсын тавцанд Монголын нэр хүнд сайнгүй байна. Энэ нэр хүндийг өндөрт өргөх ёстой ажлыг гадаадад сууж байгаа дипломатууд хийх ёстой. Харамсалтай нь чадахгүй байгаа. Тиймээс үүн дээр онцгой анхаарах шаардлагатай.

Ажил өгөлцөж авалцаж байгаа хүмүүст уялдаа холбоо байдаггүй. Энэ ажлыг би ийм хийсэн энийг үргэлжлүүлэн ажиллаарай гэдгээ ярилцдаггүй. Оруулж ирж байгаа хүмүүсээ ярьдаг татагдаж байгаа хүмүүсээ ярьдаггүй. Ямар үр дүнтэй ажилласан, ямар алдаа дутагдал гаргасан бэ гэдгээ ерөөсөө үнэлдэггүй. Хүрсэн үр дүн алдаа оноог нь хэлэлцдэг болмоор байна төрийн албан дээр ч тэр.